Патриотите од протестот „За заедничка Македонија“ ја нападнаа екипата на А1он

Снимателот, Владимир Желчески и новинарот, Александар Тодевски од порталот А1он биле претепани од страна на учесници на денешниот протест  пред Собранието на Македонија – пренесува Призма.мк

Фотографиите од пристигнувањето на Брзата помош првично почнаа да се шират на социјалните мрежи, а информацијата ја потврди главниот уредник на А1он, Предраг Петровиќ.

„Учесници на протестот од грб ја нападнале екипата со боксови по глава и со клоци. Им ја одзеле камерата, ја фрлиле на земја, почнале да ја шутираат и целосно ја уништиле. Веднаш била повикана Брза помош и во моментов двајцата се во Ургентиот центар и им се вршат испитувања“, потврди Петровиќ.

Фотографите кои биле во близина и го следеле настанот успеале да направат фотографии од напаѓачите и од двајцата новинари кои по нападот, лежат на земја.

Иницијативата „За заедничка Македонија“ чија цел, според организаторите, е да се зачувува унитарноста на државата, трае втор ден. На маршот учествуваат членови и симпатизери на ВМРО-ДПМНЕ како и директори на државни институции.

 

Извор: www.prizma.mk

Би те интересирало и

Случајот „Монструм“ се враќа на почеток

Предметот „Монструм“ за петкратното убиство кај Смилковското езеро во 2012 година ќе биде вратен во ...

Маж се заканил дека ќе ја запали зградата на Општина Арачиново

Вчера попладне, во канцеларијата на градоначалникот на Општина Арачиново влегол маж и се заканил дека ...