Повеќе од 80 точки на денешната владина седница – Радио Мрежа Канал 77 – Магија во етерот

Повеќе од 80 точки на денешната владина седница

Владата на Република Македонија денеска ќе одржи редовна седница на која ќе расправа за прашања од повеќе области.

Фото: Архива

Покрај разгледувањето на состојбите во процесот на евроатланската интеграција и користењето на ЕУ фондовите, Владата ќе ја разгледа информацијата во врска со изградбата на Националната арена „Филип II Македонски“ и информацијата за активностите за изградба на отворен базен, затворена тениска арена со гимнастичка сала и сала за боречки вештини во Спортскиот центар „Борис Трајковски“.

На седницата се очекува да биде разгледана и информацијата за потребата од потпишување на анекс кон Договорот за изградба на автопатот Демир Капија – Смоквица, како и информации за постапките за доделување концесии за вршење детални геолошки истражувања на минерални суровини на повеќе локалитети.

На дневен ред на седницата се ставени и Предлог-одлуката за изменување на одлуката за утврдување на максималниот износ на ново задолжување преку издавање на државни хартии од вредност на домашниот финансиски пазар и Предлог-методологијата за изменување на Методологијата за начинот на формирање на цените на лековите.

Меѓу дел од точките на дневен ред се и Информацијата за реализација на проектот за комплетно реновирање на градската библиотека „Браќа Миладиновци“ и Предлог-одлуката за прогласување на Спомен-куќата на Лазар Личеноски за културно наследство од особено значење, поткатегорија големо значење.

Би те интересирало и

Иванов ја посети Железната црква во Истанбул

Претседателот на Република Македонија, Ѓорге Иванов кој е во официјална посета на Турција, вчера ја ...

Претседателот Иванов со сопругата ќе се сретнат со Ердоган во Турција

Претседателот на Република Македонија,  Ѓорге Иванов, придружуван од сопругата, г-ѓа Маја Иванова, од денеска престојува ...