Поставени нови садници на градското дрво во Тетово кое беше уништувано од тетовци – Радио Мрежа Канал 77 – Магија во етерот

Поставени нови садници на градското дрво во Тетово кое беше уништувано од тетовци

Дел од садниците од градското дрво во Тетово кои изминатава пролет беа откорнати, денеска беа заменети со нови од невладината организација Еко свест.

Оттаму велат дека инсталациониот систем на дрвото кое во форма на билборд е поставено во центарот на градот и има улога на прочистување на воздухот функционира одлично и покрај откорнатите садници.

Ана Чоловиќ Лешоска од Еко свест, апелираше тетовци да не го уништуваат градското дрво, кое може да замени 275 природни дрва

Градското дрво е самоодржливо. Опстанува со помош на специјален мов. Се храни со помош на сончеви колектори и ги прафаќа дождовните води. Во време на сушен период, дрвото се наводнува од страна на Општина Тетово, рече Ана Чоловиќ Лешоска

Со цел да се заштитат садниците, на градското дрво денеска му беше поставена уште една заштитна жица. Освен во Тетово, градско дрво за прочистување на воздухот има поставено и во Скопје.

Би те интересирало и

Презентирани резултатите од мерењата на амбиенталниот воздух на Источниот регион и Благоевградскиот округ

Иако незначително, сепак евидентно. Со проблемот на загадувањето не се соочуваат само поголемите градови во ...

Македонија ќе ги признае патните документи на Интерпол

Министерот за внатрешни работи Оливер Спасовски денеска во седиштето на Генералниот секретаријат на Интерпол во ...