Почнува 15-то издание на „Актерот на Европа“ – Радио Мрежа Канал 77 – Магија во етерот

Почнува 15-то издание на „Актерот на Европа“

Пред 15 години, кога Европскиот парламент го прогласи Преспанското Езеро за меѓуграничен европски парк помеѓу Македонија, Грција и Албанија, беше покрената иницијативата за Интернационалниот театарски фестивал, на бреговите на Преспанското Езеро, Актерот на Европа.

15-то фестивалско издание започнува вечерва со прогласувањето на Марсел Бозоне за Актер на Европа за 2017. Вечерва во 21 часот во амфитеатарот во Ресен, легендата на францускиот и европскиот театар Марсел Бозоне ќе биде прогласен за Актер на Европа 2017. Во присуство на амбасадорот на Франција и претседателот на Светската асоцијација на театарски критичари Жорж Бани ќе биде прикажан документарен филм за лауреатот Бозоне, а во чест на јубилејот на фестивалот ректорот на Универзитетот за аудиовизуелни уметности Јордан Плевнеш и ректорот на Националниот универзитетот за филм и театар од Букурешт, Николае Мандеа ќе потпишат меморандум за заедничка соработка.

„Актерот на вропа посветена на трите земји кои што го делат езерото, на обединетото езеро и на обединета Европа“, истакна градоначалникот на Општина Ресен, Ѓоко Стрезовски, кој воедно ќе ги додели и наградите „Клучевите на Преспа 2017“ .

Натпреварувачкиот дел ќе биде отворен со претставата „Идиот“ на Достоевски, во изведба на академскиот театар од Букурешт, а во следните денови ќе се одржат претстави од Бугарија, Косово, Србија, Франција, Грција, Хрватска. Жирито со кое претседава Мето Јовановски, на завршната вечер ќе ги прогласи победниците.

Би те интересирало и

Објавен конкурсот за Меѓународниот поетски фестивал „Литературни искри“

Меѓународниот поетски фестивал „Литературни искри“ во Гостивар го објави конкурсот за годинашното петто издание на ...

Ќе се отстрануваат малите сувенири од проектот „Скопје 2014“

Малите статуетки и илјадниците сувенири изработени според споменици и скулптури од проектот „Скопје 2014“ ќе ...