Правила за добар сон

Работите многу и не спиете доволно долго ниту пак добро?! Со следниве неколку промени ќе можете да уживате во убавиот сон. Не посегнувајте веднаш по таблетите за спиење.

Добриот сон може ви се чини недостижен особено ако се обидувате на тие неколку драгоцени саати да им најдете место во преполниот распоред.

Сепак не очајувајте зашто Ник Литлхејлс е човек кој има многу совети за вас а успешно ги помага и светските ѕвезди и спортисти.

Постојана рутина
Природно време на спиење е попладне и навечер. Денес целото спиење се одвива навечер, што ствара притисок дека мораме да ја искористиме секоја минута од секој час. Просечно оптимално време на спиење е 7.5 часа  во текот на ноќта, односно пет 90 минутни циклуси. Времето на вашето будење ќе го одреди оптималното време на спиење, па ако станувате во 6:30 би морало да бидете во кревет околу 23ч.

Паузирајте
Повеќето луѓе се врзани за стол и поради тоа не сметаат дека е неопходно да земат пауза. Во текот на денот земете 5-минутни паузи од работата – моментот поминат сам со себе ќе ви овозможи ментално закрепнување потребно за добар сон.

Здрава исхрана
Стимулирајте го своето тело со избалансиран внос на храна и течности. Појадувајте (јогурт, житарици, овесна каша), имајте секогаш ужина, ручајте, а за вечера избегнувајте храна која тешко се вари. Избегнувајте кофеин од ручекот натаму зашто тој долго останува во организмот  и го подигнува нивото на кортизол (стресниот хормон) и ви дава лажно чувство дека сте будни. Целата храна и течност е најдобро да ја примите три до четири часа пред спиење.

Вежбање
Поздрави и поактивни се луѓето сега отколку што биле порано. Зголемениот притисок во друштвото за добар изглед ги доведува многу луѓе до претерување во тренинзите. Ако по работата одите во теретана, имајте ваква рутина: главен оброк нека ви биде ручекот а за вечера јадете нешто полесно. Кардиоваскуларните вежби порано навечер можат да го поттикнат сонот, но само ако се работи за лесни вежби пред 20-21ч.

Опуштете се
Час ипол пред спиење правете нешта кои не ве стимулираат ниту физички ниту ментално- гледајте ТВ, читајте книга или медитирајте со помош на јога или пилатес.

Средете ја куќата
Луѓето кои пред спиење ја имаат средено собата, измиено садови и слично имаат 60 посто поголема шанса да се чувствуваат опуштено пред спиење. Ако работите ги оставите несредени, мозокот ќе размислува за тоа како сето тоа утре мора да биде завршено.

Пишувајте
Сите обврски кои мора да ги исполните запишете ги на хартија наместо да ги меморирате во телефон. Запишувањето е многу поздраво отколку компјутерско симнување на информации.

Расчистете се околу себе
Средствата за комуникација можат да го нарушат сонот доколку ги имате околу вашиот кревет. Порано алармите биле само средства за будење, но во денешно време најголемиот дел од нас ги имаат во мобилните телефони со што влијанието врз сонот се зголемува. Можно е да добиете СМС порака во текот на ноќта  или да дојдете во искушение да си проверите Фејсбук  а сето ова лошо влијае на циклусот на спиење.

Средиште на сонот
Спалната соба би требала да биде средиште, место кое е наменето само за спиење. Ако го наавикнете вашиот мозок така да размислува за неа полесно ќе заспиете. Легнете во кревет 30 минути пред да заспиете, склопчете се  и пуштете процесот да почне да дејствува.

Нека биде ладно
Ладната температура во соба и ладната постела се исклучителен стимул за сон, природната  топлина на вашето тело сама ќе го згрее кревтот. Претопла спална соба и кревет се контрапродуктивни. Најдобро е да се истуширате со топла вода пред одење во кревет со цел да ја подигнете телесната температура.

Додади коментар

Би те интересирало и

Љубовта го поттикнува развојот на мозокот

Грижата, која мајката по породувањето ја покажува кон своето новороденче го стимулира и јакне развојот ...

Цукерберг си зема двомесечен одмор за раѓањето на неговата втора ќерка

Основачот на социјалната мрежа Фејсбук, Марк Цукерберг, си зеде двомесечен одмор за раѓањето на својата ...

Close