Празничен викенд – предлог Дојран – Радио Мрежа Канал 77 – Магија во етерот

Празничен викенд – предлог Дојран

За настанувањето на овој историски град постојат голем број на легенди и преданија во кои се верува. Најпозната е приказната со девојката Дојрана, и покрај тоа што потеклото на името на овој град никогаш не е дознаенo.

На патот за Дојран, додека патувате ќе имате можност да се насладувате на сите рајски овошја. Калинки, маслинки, киви, смокви, мандарини, но сево ова после ручекот, а за ручек задолжителна е рибја чорба, плескавица од икра и се разбира дојрански крап на трска.

Денешен Дојран покрај тоа што е прекрасно место за одмор и рекреација, со својата медитеранска клима, лековита кал, алги кои испуштаат јод – ви создаваат чувство како да сте на море.

Сегашното Дојранско Езеро е остаток од некогашно Пеонско Езеро и припаѓа на т.н. Пajонска група на природни балкански езера. Регистрирани се 12 фаунистички ендемити. Од 15 видови риби, 1 вид претставува локален ендемит.

Нешто што мора да посетите додека престојувате во Дојран е езерскиот музеј, сместен во просториите на локалната самоуправа. Изобилува со колекција од растителниот и животинскиот свет од Дојранското Езеро, а воедно претставен е и карактеристичниот начин на лов на риби и направена е карактеристична рибарска колиба.

Локалната храна и специјалитети ќе го задоволат секој вкус, умерено топлото време ќе го направат престојот прекрасен, а уживањето во езерото и знаменитостите ќе ги паметите до следната посета.

Би те интересирало и

Столтенберг: Решавањето на проблемот со името клучно за членството во НАТО

По обраќањето во Собранието и неколкуте средби со министри и политички лидери, генералниот секретар на ...

Столтенберг: Има место за уште знамиња пред седиштето на НАТО

Петнаесетина минути траеше денешното обраќање на генералниот секретар на НАТО, Јенс Столтенберг во Собранието, од ...