Пратеникот Влатко Ѓорчев на конференција на ОБСЕ во Австрија

Конференција за националните малцинства, на која ќе учествува пратеникот Владимир Ѓорчев, члeн на Делегацијата на Собранието на Република Македонија во Парламентарното собрание на Организацијата за безбедност и соработка во Европа, ќе се одржи во понеделник и вторник во Вилах, Австрија.

На оваа конференција ќе се дебатира за придонесот на националните парламенти во промоцијата на адекватните структури и прифатлива општествена средина за националните малцинства и ползата којашто може да ја имаат самите региони од овој позитивен развој.

На учесниците на оваа сесија со поздравни говори ќе им се обрати Кристин Мутонен, претседател на Парламентарното собрание на ПС на ОБСЕ, Хенрик Виладсен, директор на Канцеларијата на ОБСЕ за национални малцинства, Роберто Монтела, генерален секретар на ПС на ОБСE.

Оваа конференција ќе биде организирана во три сесии: во првата сесија ќе се дебатира за можностите на националните парламенти во поддршката на националните малцинства, во втората сесија за учење од другите – случајот на Каринтија и во третата сесија за помирувањето на Балкан – меѓународни перспективи.

Извор: Макфакс

Додади коментар

Би те интересирало и

Се очекува летово да се пушти во употреба новиот водовод во Тетово, кој се гради повеќе од една деценија

При крај е изградбата на филтер станицата од новиот тетовски водовод, кој според одговорните од ...

Најмладиот планинар во земјава Ване Бошев, викендов го освои Олимп

Најмладиот планинар во земјава Ване Бошев, викендов го освои Олимп.Првите чекори во планинарењето на Ване ...

Close