Првата дама на Азербејџан стана прв потпретседател на земјата – Радио Мрежа Канал 77 – Магија во етерот

Првата дама на Азербејџан стана прв потпретседател на земјата

Првата дама на Азербејџан, Мехрибан Алиева е именувана за прв потпретседател на земјата, а указот е потпишан денеска од шефот на државата, Илхам Алиев.

Функциите прв потпретседател и дополнителни двајца потпретседатели се предвидени со уставните измени, кои се изгласани во Азербејџан со референдумот одржан на 26 септември минатата година. Во измените се наведува дека при неможност претседателот да ги извршува своите обврски, тогаш неговите овластувања ги презема првиот потпретседател.

Илхам Алиев денеска ја назначи неговата сопруга како свој прв потпретседател на седница на Советот за безбедност на Азербејџан.

Мехрибан Алиева е родена на 26 август 1964 година. Таа ја предводи најголемата невладина организација во светот, фондацијата „Гејдар Алиев“, а истовремено е и амбасадор на добра волја при УНЕСКО и Исламската организација за образование, наука и култура (ИСЕСКО).

Би те интересирало и

Бунт во бразилски затвор, чувари неколку часа држени во заложништво

Во затворот Милтон Диас Мореира во Рио де Жанеиро затвореници организираа бунт и земаа седум ...

Уапсен гувернерот на летонската централна банка

Гувернерот на летонската централна банка, Илмар Римшевич, беше уапсен денеска од страна на антикорупциската агенција, соопштија ...