Прво финале за Шарапова по кам-бекот – Радио Мрежа Канал 77 – Магија во етерот

Прво финале за Шарапова по кам-бекот

Марија Шарапова ќе го игра првото финале по враќањето по допинг-суспензијата, откако ја победи домашната фаворитка и трета носителка на Тијанџин опен во Кина, Пенг Шуаи со 6:3/6:1.

Русинката се врати на тенисот во април откако отслужи 15-месечна суспензија поради позитивен тест на мелдониум на Австралискиот опен во 2016 година, по што се повреди пред Вимблдон, но имаше успешно враќање на гренд слем турнирите на САД опен, стигнувајќи до третото коло. Ова е прво финале за Шарапова од Рим во 2015 година.

Во финалето, популарната Маша ќе се судри со новата белоруска тениска ѕвезда, 19-годишната Арина Сабаленка, која ја „збриша“ Италијанката Сара Ерани со 6:1/6:3. Сабаленка ќе игра за својот прв ВТА трофеј в недела.

Извор: Макфакс

Би те интересирало и

Серена Вилијамс го продолжи одморот, нема да настапи ни во Рим

Американската тенисерка Серена Вилијамс соопшти дека нема да настапи на турнирот во Рим, кој ќе ...

Федерер ја започнува сезоната на трева во Штутгарт

Швајцарскиот тенисер, Рожер Федерер годинава ќе ја започне својата сезона на трева во Штутгарт. Тоа ...