Предности на кампувањето во однос на хотел – Радио Мрежа Канал 77 – Магија во етерот

Предности на кампувањето во однос на хотел

Кога се избира престојот каде што ќе се помине одморот, луѓето најчесто одбираат хотел. Пред да се одлучите за очигледната варијанта, ви приложуваме 5 причини зошто да одберете кампување наместо престој во хотел.

Директен контакт со природата

Најголема предност кога кампувате, е тоа што сте во директен контакт со природата. Кога престојувате во хотел, потребен е свесен напор за да се поврзете со природата. За разлика од таа ситуација, камперите се опкружени со зеленило и природа и донесуваат одлуки без напор.

Повеќе време со семејството

Семејното кампување е одличен начин со кој сите членови можат да поминат повеќе време заедно. Самата атмосфера на кампувањето, потребата да се биде организиран, да се комуницира и да се делат многу работи е добра идеја како да се зближи семејството. Во хотелски услови често сите се одвоени и не поминуваат многу време заедно, па затоа кампувањето може да биде одлично семејно искуство.

Камперски направи

Во последно време кампувањето станува уште повозбудливо. Причината е тоа што постојат голем број на одлични направи, кои го прават кампувањето полесно и позабавно. Листата на овие направи е долга: соларен погон за полначи, апликации за паметни телефони, мобилни кујни, повеќенаменски ламби, радија итн. Сите заедно овозможуваат сигурен и забавен камперски одмор, како и повеќе авантури, отколку седење во хотелска соба и губење време на активности како гледање телевизиски програми кои често не ни ги разбираме.

Современи места за кампување

Голем стереотип е тоа што луѓето сметаат дека ако кампуваш си осуден на минимални објекти за забава. Тоа не е вистина. Современите места за кампување се опремени со различни објекти, базени, детски игралишта, ресторани, барови, спортски објекти, спа третман објекти слично.

Најдобриот дел е тоа што овие објекти се поевтини од стандардните хотелските услуги. Затоа и се’ повеќе луѓе се одлучуваат да одат на ваков тип на одмор, кој дури и со целосната опрема и направи е многу поекономичен од одмор во хотел.

Истражувачки дух

Ако одите на одмор и често се жалите дека не сте виделе и истражиле дел од околината во која сте престојувале, кампувањето е решение за тоа. Самиот престој во природата ви овозможува директно поврзување со неа, а воедно и ја поедноставува можноста за истражување.

Најважно – Дружбата во камп е незаборавна!

Извор: Црнобело

Би те интересирало и

„Last minute“ идеи за новогодишни подароци

Дали сте од оние кои купуваат новогодишни подароци во последен момент? Можеби тоа и не ...

Гвардиола ја сака ѕвездата на Реал – шеикот го одврзува кесето

Гвардиола потроши многу пари минатото лето, но главно работеше на засилување во одбраната, а сега ...