Пречек на Нова година во МНТ – „Супернова 2018“ – Радио Мрежа Канал 77 – Магија во етерот

Пречек на Нова година во МНТ – „Супернова 2018“

Македонскиот народен театар утревечер организира пречек на Новата година со настан „МНТ Супернова 2018 – Соѕвездие на добрата забава“.

Публиката ќе ја забавува актерот Сашко Коцев со стендап, а меѓу неговите 15-20-минутни настапи ќе има музика со учество на Биба Додева, Бени и Нонстоп, Александар Митевски и Дамир Имери бенд.

Почетокот на новогодшната вечер е во 21 часот. По доаѓањето на Новата година, публиката ќе продолжи да се забавува во фоајето на театарот каде што диџејот Драган Б. Костиќ ќе пушта рокенрол и ретро музика до 3 часот по полноќ.

Покрај забавна програма, пречекот вклучува и коктел. Од МНТ соопштија дека влезниците, по цени од 1.600 до 2.000 денари, ги распродале пред една недела.

Вратите за публиката во 2018-та МНТ ќе ги отвори на 10 јануари за претставата „Не се клади на Енглези“.

Би те интересирало и

Објавен конкурсот за Меѓународниот поетски фестивал „Литературни искри“

Меѓународниот поетски фестивал „Литературни искри“ во Гостивар го објави конкурсот за годинашното петто издание на ...

Ќе се отстрануваат малите сувенири од проектот „Скопје 2014“

Малите статуетки и илјадниците сувенири изработени според споменици и скулптури од проектот „Скопје 2014“ ќе ...