Притисоци и закани врз поддржувачите на реформите во ВМРО-ДПМНЕ – Радио Мрежа Канал 77 – Магија во етерот

Притисоци и закани врз поддржувачите на реформите во ВМРО-ДПМНЕ

Фото: Мета

Демократска држава е можна само ако постојат и демократски политички партии – ова е ставот на реформаторите во ВМРО ДПМНЕ, кои денеска зборуваа на јавната трибина  „Без табу-теми“. Настанот го организираше ЦИВИЛ – Центар за слобода.

Треба да се формира специјализирана институција која нема да дозволи да се случуваат криминал и корупција, но и која ќе ги отвори сите криминали од почетокот на формирање на државата за сите политички елити. Ова беше истакнато на денешната трибина, на која неколкумината претставници на реформаторите се извинија за говорот на омраза насочен кон етничките заедници. Тие исто така, ги осудија насилствата на 24 април во Собранието и соопштија дека дел од членовите на партијата, кои ги поддржале внатрепартиските реформи се соочуваат со закани и притисоци.

Според еден од водачите на движењето за реформи, Петар Богојески суштината на промените во ВМРО-ДПМНЕ е нејзината децентрализација кога станува збор за носењето одлуки.

Тој додаде дека таквиот начин на централизирано водење на партијата довело до огромна недоверба кон другите во партијата.

Според реформаторите, случувањата со Пржинскиот договор потврдиле дека Македонија е млада демократија, дека институциите не можат самостојно да ги решаваат проблемите во државата и политичките партии да бидат чинители за стабилизација.

Би те интересирало и

Еколошка акција денеска во Кавадарци, ученици и еколози го собраа отпадот околу езерцето на висорамнината Витачево

Во рамки на акцијата, Ден на планетата земја кој годинава се одбележува под мотото „Да ...

ВМРО-ДПМНЕ се сомнева дека со наместен тендер ќе се набавуваат реагенси, СДСМ најавува подобри здравствени услуги

Опозицијата обвинува дека СДСМ има намера да ја централизира набавката за реагенси за сите лаборатории ...