Проект за развој на иновациски капацитети на малите и средните претпријатија – Радио Мрежа Канал 77 – Магија во етерот

Проект за развој на иновациски капацитети на малите и средните претпријатија

Во Македонија првпат ќе биде изработена и лансирана мобилна апликација која ќе ги информира компаниите за понудата и побарувачката на иновативни технологии на светско ниво, како и национална награда за најдобрите иновативни компании.

Апликацијата е дел од плнираните активности со проектот што почнува денеска за подобрување на конкурентноста на малите и средни претпријатија преку развој на капацитети за иновации, со финансии од Европската унија.

Проектот ќе го спроведуваат Фондацијата за претприемачки сервис за млади, Фондацијата за менаџмент и индустриско истражување и АРК фонд од Бугарија, со цел да придонесат во креирање силна иновациска клима во државата преку промовирање на концептот иновативни бизниси.

Во текот на проектот ќе биде креиран онлајн курс за иновациски менаџмент, водич за иновации и водич за финансирање. Планирани се обуки за мали и средни компании на теми поврзани со европските програми за финансирање Хоризонт 2020 и Инструментот за мали и средни претпријатија.

На настанот ќе учествуваат повеќе од 50 претприемачи, претставници на бизнис секторот, како и на државни институции и невладини организации.

Извор: А1он

Би те интересирало и

Работниците од Фени ја прашуваат Слаѓана Тасева чии интереси застапува по наводите за стечајот во фабриката

По денешната прес конференција на Транспаренси Интернешнел Македонија, каде директорката Слаѓана Тасева ги повика надлежните ...

Транспаренси Интернешнел Македонија бара отфрлање на планот за реорганизација на „Фени Индустри“

Транспаренси Интернешнел Македонија продолжува со мониторингот на постапката за стечај во Фени индустри АД Кавадарци ...