Промовирана македонска поштенска марка во САД

Во Сан Диего, Калифорнија, е промовирана поштенската марка со ликот на американскиот научник Клод Елвуд Шенон (1916-2001), која минатата година ја издаде Македонска пошта. Поштенската марка минатата седмица е промовирана пред американската јавност на конгрес на Друштвото на теоријата на комуникации, како дел од Американскиот институт на инженери од областа на електрониката, на чија покана присуствувал и Нинослав Марина, ректор на Универзитетот за информатички науки и технологии „Свети Апостол Павле“-Охрид.

Марина изјавил дека како еден од авторите на иницијативата се радува што на ваков начин се чествува 100-годишнината од раѓањето на прославениот американски научник и татко на математичката теорија на комуникации и теорија на информации.

„Се радувам и ја делам радоста на членовите на Друштвото на теоријата на комуникации, кои изразуваат искрена благодарност и восхит кон начинот на кој Република Македонија ја изразува својата почит кон делото на Клод Шенон. Македонија е единствената земја во светот што издаде марка во чест на Шенон, што ме прави особено горд и би сакал да изразам голема благодарност до сите кои придонесоа за реализација на иницијативата“, истакнал Марина.

Клод Шенон е светски признат научник заслужен за основите за создавањето на некои од најзначајните телекомуникациски методи на денешницата, што се користат во интернетот, мобилните телефони, компјутерите, уредите за меморирање и при електронската заштита на податоците.

Би те интересирало и

10 дена бесплатен филмски маратон во џебното кино на МКЦ

Од вчера започна целодневен филмски маратон (Синемаратон) во Џебното кино на Младинскиот културен центар. Маратонот ...

БПЦ ќе се консултира со другите цркви, па ќе одлучи за барањето на МПЦ

Светиот синод на Бугарската православна црква ќе се консултира со другите14 православни цркви, меѓу кои ...