Пропаднатите гласови се трета политичка сила во Македонија

dik11
Според преброените 99,72 отсто од гласачките ливчиња, официјалните податоци на Државната изборна комисија велат дека од вкупно 1.189.481 избирачи кои гласале, 37.812 гласачки ливчиња биле неважечки.

Бројот на неважечките гласачките ливчиња е поголем од бројот на гласовите што ги добија седум од единаесетте коалиции што учествуваа на изборите.

Најмногу гласови освои ВМРО-ДПМНЕ, потоа СДСМ, ДУИ и Беса, а зад нив, според бројот на гласачки ливчиња, се тие што не се важечки.

Бројот на неважечките ливчиња и бројот на гласовите што ги добија партиите кои нема да освојат ниту еден пратенички мандат е речиси 100.000.

Коалицијата за промени и правда освои 10.083 гласа, ПДП – 1.142, Либерална партија – 3.840, ВМРО за Македонија – 24.449 и Левица – 12.119. Распределени по изборни единици, ниту една од овие коалиции нема доволен број гласови за да освои пратенички мандат.

Вкупниот број на гласови на овие вонпарламентарни партии изнесува 51.633 гласа, односно трипати повеќе од разликата што ја имаат двете најголеми партии, ВМРО-ДПМНЕ и СДСМ, а тоа се 16.240 гласови.

Собрани, гласовите на коалициите што не освоија пратенички мандат и бројот на неважечки гласачки ливчиња изнесува 89.445, односно бројот на пропаднати гласови е веднаш зад бројот на гласови што ги добија ВМРО-ДПМНЕ и СДСМ.



Додади коментар

Би те интересирало и

Saat_Kula_Gostivar

По две децении часовниците на Саат-кулата во Гостивар повторно се во функција

Сите четири часовници на Саат-кулата во Гостивар, по две децении, од денеска повторно се во ...

skup11

СКУП: На само еден политичар му е конфискуван имотот

Според податоците од Агенцијата за управување со одземен имот, освен на Бошковски имот му е ...

Close
×

Стадион на Канал77



Додади коментар
Web Design BangladeshWeb Design BangladeshMymensingh