Протести во Анкара поради уставните измени – Радио Мрежа Канал 77 – Магија во етерот

Протести во Анкара поради уставните измени

protesti-ankara
Фото: Ројтерс

Турската полиција денеска употреби солзавец и водени топови против стотината демонстранти кои протестираа пред Парламентот во Анкара поради планираните измени на Уставот, со кои е предвидено проширување на извршните надлежности на претседателот Реџеп Тајип Ердоган.

Организатор на протестите е Републиканската народна партија (ЦХП), како и неколку невладини организации и здруженија на адвокатите.

Пратениците во турскиот Парламент во текот на денот ќе почнат расправа за планираните уставни промени. Се очекува амандманите да бидат изгласани бидејќи мнозинство во Меџлисот има Партијата за правда и развој (АКП), а потоа на пролет граѓаните ќе се изјаснат за нив на референдум. За да бидат прифатени, амандманите треба да ги поддржат 330 од вкупно 550-те пратеници во Собранието.

protesti-ankara-2

Со уставните промени се отвора патот Ердоган уште двапати да може да се кандидра за претседател на Турција.

Би те интересирало и

Ѕанакопулос: Не постојат притисоци врз Грција за прашањето за името

Не постои никаков притисок врз грчката страна за прашањето за името, вели портпаролот на владата ...

Меркел: На Балканот му требаат автопатишта, а не студии за изводливост

Германската канцеларка отворено ја критикуваше ЕУ поради бавноста во спроведувањето на проектите и исплатата на ...