„Про-книжи го умот“ гостуваше и во Тетово – Радио Мрежа Канал 77 – Магија во етерот

„Про-книжи го умот“ гостуваше и во Тетово

Дебата Прокнижи го умот слика

Платформата за креативен дијалог „Про-книжи го умот“  како дел од „Културни приказни“ на Делегација на Европската Унија и ЕУ Инфо-центарот во Скопје, а чиј автор и модератор е новинарката Ана Јовковска, вчера гостуваше и во  Тетово.

„Визијата на ’Про-книжи го умот‘, всушност, е преку културна репрезентација, дијалог и едукација да се раздвижи културата на дебата и да се потикне активното учество на граѓаните од локалните заедници во градењето на слободно, отворено и креативно општество“, вели Ана Јовковска, авторка на концептот која додава дека  луѓето во Македонија  се жедни за дискусија и размена на мислење.

Оваа културна платформа за дискусија има за цел да ги адресира актуелните прашања и теми од нашиот социо-културен контекст, како и вечно актуелните теми на човечката цивилизација.

Дебатата во Тетово  се одржа вчера во Центарот за балканска соработка „Лоја“. Автори во фокус беа Мишел Фуко и Жак Лакан, на темата со наслов „Сексуална слобода, маскулиност и стереотипи во борбата за родова рамноправност“. Панелисти на оваа дебата беа Албулена Карага и Ана Василева кои на крајот заклучија дека жената во Македонија е на почеток на својата борба за рамноправност и дека треба уште многу работа и труд за да го стекне своето заслужено место во општеството во кое живееме.

 

Би те интересирало и

„Тврдокорните“ протестираа против Законот за јазиците

  „Тврдокорни“ , „Македонските обединети сили“ и уште неколку здруженија, денеска протестираа пред македонското собрание ...

Бачев ќе ги поништува документите за влез на Македонија во ЕУ и НАТО

„Народното движење за Македонија на денешниот конгрес, одлучи да се преимени во „Единствена Македонија“. Избрани ...