Работнички против Динамо Минск, Шкендија со Хелсинки

По комплетирањето на првото квалификациско коло од Лига Европа познати се противниците на македонските екипи за второто коло од квалификациите кое ќе се игра на 13 и 20.јули. Работнички за противник ќе ја има екипата на Динамо Минск од Белорусија, тим кој пред неколку сезони во ова натпреварување беше подобар од Ренова со вкупен резултат 3:2. Инаку, Динамо Минск ја елиминираше екипата на Рунавик од Фарски острови со две победи 2:0 (гости) и 2:1 (дома).

Тетовска Шкендија по двата триумфа над Дачија (7:0 вкупен резултат) за ривал ќе ја има екипата на Хелсинки од Финска, која во реваншот синоќа го победи Конас од Велс со 3:0 и ја анулираше негативата од првиот дуел (0:1).

Според извлекувањето на двојките, македонските екипи првите натпревари треба да ги играат на домашен терен.

Би те интересирало и

Конте: Последното интервју беше погрешно пренесено

Навивачите на Челси можат да здивнат бидејќи менаџерот Антонио Конте потврдил дека е среќен во ...

Малдини: Интер имаат резултати, но не и игра

Паоло Малдини реши да проговори пред дербито на Милано, велејќи дека неговиот поранешен тим Милан ...