Распишан конкурсот за државната награда „Св. Климент Охридски“

Конкурсот за доделување на државната награда „Св. Климент Охридски“ е распишан и ќе трае од 1 до 30 јуни 2017 година.

Со државната награда „Св. Климент Охридски” се оддава највисоко признание за долгогодишни остварувања во областа на воспитанието, образованието, културата, уметноста, здравството, заштитата и унапредувањето на човековата околина и во социјалната дејност.

Во денеска објавениот конкурс се наведува дека државната награда се доделува на поединци, група творци, екипи, установи, трговски друштва и здруженија на граѓани, а под условите определени во конкурсот може да се додели и на странски државјани, група творци, екипи и институции од странство за остварување од јавен интерес за Република Македонија.

Како што е наведено во конкурсот, на награден поединец му се доделува диплома и паричен износ, на секој член на наградена група творци или екипа им се доделува диплома и подеднаков дел од паричниот износ, а на наградена установа, трговско друштво или здружение на граѓани им се доделува диплома и плакета.

Паричниот износ на државната награда „Св. Климент Охридски” изнесува десет просечни месечни плати во Република Македонија исплатени во последните три месеци во тековната година.

Извор: Макфакс

Би те интересирало и

Некои споменици од „Скопје 2014“ можни материјални докази во постапките

Министерството за култура е во координација со Град Скопје и со Општина Центар околу  модалитетите ...

Мартинките прогласени за светско културно наследство од страна на УНЕСКО

Културните обичаи поврзани со прославувањето на 1 Mарт – „Мартинки“ станаа дел од светското нематеријално ...