Реал го доби дербито во Валенсија – Радио Мрежа Канал 77 – Магија во етерот

Реал го доби дербито во Валенсија

Во дербито од 21-то коло на шпанската Примера фудбалерите на Реал Мадрид славеа кај Валенсија со 4:1 со што им се приближија на водечките екипи на табелата.

Во одлучната претстава Реал веќе на полувремето имаше сигурно водство во 2:0, а двата гола ги постигна Кристијано Роналдо, во 16 и 38 минута. Валенсија по многуте пропуштени шанси го намали водството на „кралевите“ во 58 минута преку Санти Мина, но во самиот финиш од дуелот Реал преку Марсело во 84 и Тони Крос во 89 минута го реши прашањето на победникот.

На табелата води Барселона со 54 бодови, пред Атлетико Мадрид со 43 и Валенсија со 40, додека Рал Мадрид е четврти со 38 бодови и меч помалку.

Подоцна во вечерната саботна програма Виљареал на домашен терен со 4:2 го совлада Реал Сосиедад. Виљареал веќе по дваесет минути водеше со 3:0, со головите на Руиз во 5, Фонралс во 17 и Бака во 20 минута. Љоренте во 24 минута намали на 1:3, а одличното прво полувреме го заокружи Кастиљехо со гол во 35 минута. Во 58 минута Баскијците намалија преку Вилијан.

Виљареал осана пети со 37 бодови, бод помалку од четвртопласираниот Реал Мадрид, а Реал Сосиедад остана на 15-то место со 23 бодови.

Во вториот вечерен меч Малага и Гирона одиграа без голови, па екипата од Андалузија остана на последното 20-то место со само 13 бодови. Гирона, пак, е 11-та со 27 бодови.

Депортив и Леванте, исто така, ги поделија бодовите но постигнаа по два гола. Депортиво Ла Коруња, така, не успеа да се извлече од зоната на испаѓање, на 18-то место е со 17 бодови. Леванте е на две места погоре на табелата со 19 бодови.

Извор: Нетпрес

Би те интересирало и

Конте: За две недели ќе се знае дали го напуштам Челзи

Менаџерот на Челси, Антонио Конте ќе го почека крајот на сезоната, за да ја објави ...

Алекс Фергусон се разбуди од кома

Сер Алекс Фергусон се разбудил од кома и почнал да разговара со семејството – пренесе ...