Рорабакер се извини за изјавата дека Македонија не е држава и треба да се подели

Републиканскиот конгресмен на Калифорнија и претседавач на поткомитетот за Европа и Евроазија, Дана Рорабакер, се извини за неговата неодамнешна, контраверзна изјава во интервју за „Визион плус“ од Тирана каде рече дека Македонија треба да се подели.

Тој во официјална изјава рече дека Македонија е легитимна држава со право на самоопределување и почитување на границите.

„Мојот коментар алудираше, можеби погрешно, на мојата загриженост кон предизвиците во внатрешното владеење со кои Македонија се соочува во врска со етничките малцинства. Јас во никој случај не сакав да кажам дека некој друг, освен Македонците треба да го утврди суверенитетот или границите на Македонија. Ако моите зборови беа сфатени на друг начин, јас длабоко се извинувам“, вели Рорабакер во изјавата.

Тој оддаде почит за позитивниот однос кој САД го има со Македонија и потенцираше дека Македонија е вистински пријател на САД.

„Имав можност да сретнам многу Американци (и Македонци) кои споделија со мене многу корисни историски факти и информации за Македонија и регионот, како и за сегашната динамика на истиот. Со нетрпение очекувам заедничка соработка во иднина и што е најважно, заедно, континуирано, да даваме се од себе за да помогнеме во формирањето на надворешната политика на САД, така што тоа ќе резултира со мирен, просперитетен и слободен Балкан“, додава Рорабакер.

Пред 10 дена во интервју за албански печат, Рохрабакер, изјави дека Македонија не е држава.

– Македонија не е држава. Жал ми е, тоа не е држава. Косовците и Албанците во Македонија треба да бидат дел од Косово. Другиот дел на Македонија треба да биде дел од Бугарија, или на било која земја на која тие тврдат дека и припаѓаат. Идејата дека ние треба да ја одржуваме Македонија како држава, бидејќи некој пред 30 години одлучил дека тоа е најдобрата реконфигурација која треба да излезе при распадот на Југославија, не не доведува до разумно оправдување дека оваа идеја треба да истрае – рече Рорабакер.

 

Текстот е преземан од Мета

Би те интересирало и

ЕП: 10 евра за влез во ЕУ за граѓаните со безвизен режим од 2020 година

Комитетот за граѓански слободи на Европскиот парламент денеска го усвои предлогот на Европската комисија за ...

Пуџдемон до 10 часот мора да одлучи за независноста на Каталонија

Мадрид му даде рок на Пуџдемон до денеска изутрина да даде прецизен одговор дали прогласува независност ...