Рочиштето за „Тврдина 2“ презакажано за 26 септември – Радио Мрежа Канал 77 – Магија во етерот

Рочиштето за „Тврдина 2“ презакажано за 26 септември

Фото: НоваТв

Денешното судско рочиште за случајот на СЈО,  „Тврдина 2“  е одложено за 26 септември.

Адвокатите од одбраната, како што навеле пред судијата што го води предметот, имале други ангажмани и затоа побараа одложување на денешното рочиште на кое требаше да бидат сослушувани сведоци.

Во „Тврдина 2“ обвинети се поранешниот началник на Петтата управа во МВР, Горан Грујовски и уште шестмина вработени во УБК. СЈО ги сомничи за уништување службена документација поврзана со незаконското прислушување. Првообвинетиот, Грујовски сега го застапува адвокатот Љупчо Шврговски кој побара одложување за да се запознае со предметот.

На претходно рочиште одржано на 23 мај, обвинетите се изјаснија дека не се чувствуваат виновни за делото за кое се товарат. Судијката Лидија Петровска, пак, ги прифати доказите кои ги достави Специјалното јавно обвинителство со кои го поткрепува обвинението за обвинетите во овој случај.

Би те интересирало и

Автобус прегази велосипедист вечерва

Сообраќајна несреќа се случила денес во 16.20 часот  на магистралниот пат Штип-Кочани во близина на ...

Се сруши фасада од зграда во центарот на Куманово, едно лице повредено

Едно лице е повредено откако фасада од зградата лоцирана на кумановскиот плоштад се сруши денеска ...