Се’ за храна: Лесен рецепт за шпагети со ракчиња

Гурмански рецепт кој мора да се проба! Вкусно и малку различно подготвени шпагети со ракчиња, и прекрасни како идеја за брза вечера и уживање со домашните.

Може да ве интересира: Морска пица со тиквички.

Состојки:

  • 400 гр шпагети
  • 450 гр ракчиња
  • 150 мл бело вино
  • 350 мл вода
  • 3-4 чешниња лук
  • сол по вкус
  • црн пипер по вкус
  • малку магдонос по потреба
  • маслиново масло по потреба.

Подготовка:

  1. Прво сварете ги шпагетите, како што е препорачано на пакувањето. Доколку сакате, погледнете како може да подготвите совршени шпагети.
  2. Лукчето исчистете го, измијте го и ситно исечкајте го.
  3. Во тава ставете малку маслиново масло да се загрее, па во него запржете го претходно припреното лукче. Доволно е да го пропржите само кратко, колку за да го ослободи мирисот, а да не потемни.
  4. Во тавата додајте ги и ракчињата, виното, водата, сол и црн пипер по вкус, па оставете ги да се динстаат додека да испари течноста.
  5. Додадете ги претходно сварените и исцедени шпагети и ситно сечканиот магдонос, па измешајте ги сите состојки.
  6. Декорирајте и сервирајте по желба со магдонос, а може да додадете и ситно исечкан, па малку запржен домат. На здравје!

Ви препорачуваме да прочитате: Запечени тестенини со туна и доматен сос.

Превземено од: sezahrana.mk

Додади коментар

Би те интересирало и

Добар одмор за безбедно патување

Без разлика дали патувате преку ден или во текот на ноќта, од клучно значење е ...

Се’ за храна: 11 совети како да берете и сушите лековити билки и зачини

Секој од нас може да бере и суши лековити билки, но мора да се знаат ...

Close