Состојба на патиштата: Попладне прекин на сообраќајот кај Долно Косоврасти на патот Маврово-Дебар

Сообраќајот на државните патишта се одвива пo наместа влажни коловози. Интензитетот на сообраќај на патните правци надвор од градските средини е умерен. На граничните премини нема подолги задржувања за влез и за излез од државата.

Поради асфалтирање денес во прекин ќе биде сообраќајот на патниот правец Р1202 Маврово – Дебар на делот од Мелнички мост до с. Долно Косоврасти. Прекинот ќе биде во двата правци од 13:00 до 17:00 часот.

Сообраќајот на патниот правец А3 Прилеп – Битола – Ресен преку Обиколница Битола е во прекин поради свлечиште кое е расчистено, но од превентивни причини сообраќајот сепак се пренасочува преку градот Битола. На самото место поставена е соодветна сообраќајна сигнализација.

Поради оштетување на мостот на автопатот А-1 Градско – Неготино кај Стоби на река Црна, десната лента се затвора за сообраќај, a сообраќајот ќе се одвива по левата коловозна лента. Поставена e соодветна сигнализација.

АМСМ препорачува внимателно возење, прилагодена брзина на движење и почитување на поставената сообраќајна сигнализација.

Во клисурите и засеците можна е почеста појава на одрони, особено на патните правци: Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.

Би те интересирало и

Времето денеска: Магла во Скопје, од попладне ветер, а за викендот дожд

Во Скопскиот регион утринава има магла која се очекува да се намалува веќе во претпладните ...

Откажни летови на скопскиот аеродром, забавен патниот сообраќај

Маглата во скопската котлина и натаму го попречува авиосообраќајот  од аеродромот „Александар Велики“ во Скопје ...