Спасени над две илјади мигранти во близина на либискиот брег

Околу 2.300 мигранти, кои се упатиле кон Италија, извлечени се во петок наутро од 22 дрвени и гумени чамци во Средоземното Море, во близина на брегот на Либија, соопшти италијанската крајбрежна стража.

Бродовите на крајбрежната стража и војската ги здружија силите со другите пловила кои ги изнајмија хуманитарните организации за да им пружат помош на мигрантите, кои биле распоредени во десет дрвени и 12 гумени чамци.

Бродот на лекари без граници „Пруденс“ извлече 770 лица, од кои повеќето деца, меѓу кои и бебе од шест месеци, се додава во соопштението.

Другиот брод „Аквариус“, што го најмија СОС Медитеран и Лекари без граници, спаси 560 луѓе, додека „Феникс“, што го користеше организацијата МОАС од Малта извлече уште 360 луѓе, пренесува AFP.

Меѓу спасените се државјани на Нигерија, Судан, Мароко и Бангладеш, наведува Ројтерс.

Извор: Макфакс

Би те интересирало и

Ердоган до САД: Можеби имате многу оружје и авиони, но тоа не значи дека сте моќни и силни

Одлуката на американскиот претседател од 6 декември со која тој игнорирајќи го меѓународното право го ...

Агент на ФБИ сменет поради порака против Трамп

Агентот на ФБИ, Питер Стрзок кој учевствуваше во истрага за претседателската кампања на Доналд Трамп ...