Спротивно на државата БиХ, Република Српска усвои Резолуција за воена неутралност – Радио Мрежа Канал 77 – Магија во етерот

Спротивно на државата БиХ, Република Српска усвои Резолуција за воена неутралност

 

Пратениците во Народното собрание на Република Српска, рано утрово усвоија Резолуција за заштита на уставниот поредок и прогласување на воена неутралност на ентитетот Република Српска. За Резолуцијата гласаа 44 пратеници, а никој не беше против, ниту воздржан.

Со Резолуцијата се дефинира неутралноста на ентитетот Република Српска во однос на постоечките воени сојузи. Во Резолуцијата се наведува дека територијата на РС не може да биде отуѓена на кој било начин спротивно на Уставот и законоите, ниту може да и се утврди и припише друго својство.

Во документот се прецизира дека РС е определена секој иден статус да го координира со Србија, како потписничка на Дејтонскиот мировен договор.

Резолуцијата за воена неутралност и заштита на уставниот поредок ја гласаа само пратениците од владејачката коалиција, откако на синоќешното заседание одбија да учествуваат опозициските пратеници, како и коалицијата „Домовина“ (Татковина), поради тоа што не беа ставени на дневен ред точките кои тие ги предложија.

Сараевските медиуми коментираат дека ентитетот на РС, надвор од своите надлежности, прогласи воена неутралност, иако тоа е во надлежност на државата БиХ, како и покрај фактот дека официјалните институции на БиХ се определија за членство во НАТО.

Би те интересирало и

Умерен земјотрес на грчкиот остров Алонисос

Земјотрес со интензитет од 4,3 степени според Рихтеровата скала бил регистриран на грчкиот остров Алонисос ...

Со концерт на Рита Ора, Косово ќе ја прослави годишнината од независноста

Косово денеска ја одбележува десетата годишнина од независноста, а граѓаните ќе прослават со повеќе манифестации ...