Стопанската комора на северозападна Македонија во посета на Тирана

Стопанската комора на Северозападна Македонија и Групацијата на бизнис жени при Комората реализираа посета во Албанија каде ги посетија бизнис инкубаторите кои работат во Тирана.

– Оваа посета беше добра можност да се анализира како овие инкубатори функционираат и како ги поддржуваат младите претприемачи и иновативните идеи кои понатаму креираат нови работни места – велат од Стопанската комора на северозападна Македонија. За време на посетата претставниците на Комората се запознале со искуствата на овие бизнис инкубатори во Албанија, а биле одржани и состаноци на кои се разговарало за организација на настани на регионално и меѓународно ниво и за учество во европските проекти.

Посетата на Ecosystem Tirana – Innovation Hub Albania и Yоnus Social Business Balkans се реализираше во соработка и со поддршка на Програмата за зголемување на вработливоста на пазарот – ИМЕ.

Бизнис инкубаторите коишто беа посетени се развиени за да го поддржат и забрзаат процесот на развој на новите компании помагајќи ги младите претприемачи со ресурси и други услуги. Младите претприемачи се оспособуваат со следење на обуки за развој на бизнисот, техничка и административна поддршка, совети за менаџирање и развој на бизнисот, правни услуги, финансиски, како и пристап до финансии.

Би те интересирало и

Со минимален гарантиран доход до искоренување на сиромаштијата

Со минимален загарантиран доход до намалување на сиромаштијата во земјава – ова е решението кое ...

Хрватската индустрија со трет најголем раст во Европа

Извештајот на Европскиот статистички уред покажува дека во Хрватска е забележан најголем пораст на индустриското ...