Судот го замрзна целиот имотот на Сеад Кочан и на неговите фирми

Судот на барање на Специјалното јавно обвинителство попладнево го замрзна имотот на сопственикот на „Трансмет“, Сеад Кочан, против кого се води постапка во случајот на СЈО, „Труст“. Инфромацијата за Телма ја потврдија високи извори од СЈО. Решението опфаќа замрзнување на сиот движен и недвижен имот на Кочан и на неговите фирми.

Кочан е во бегство откако за него беше донешено решение за притвор откако беше осомничен дека за тендер на ЕЛЕМ во 2011 година доставил фалсификувани документи и на тој начин заедно со „Силекс неметали СТ“ и „Вато“, незаконски наплатиле 17,2 милиони евра. По Кочан е распишана потерница.

Никола Додевски, адвокат на бизнисменот Сеад Кочан, вечерва за НОВА изјави дека првпат слуша за информацијата дека е замрзнат имотот на неговиот клиент.

„Немам никакво известување од судот, не сум прочитал во медиумите. Од вас слушам за ова“, изјави адвокатот Додевски за НОВА.

Би те интересирало и

Виница: Вооружени крадци ги затвориле вработените во тоалет и го ограбиле казиното

Двајца маскирани крадци вооружени со пиштоли изутринава околу 6.15 часот го ограбиле казиното на улицата ...

Користејќи туѓ Фејсбук профил зел 600 евра од негови пријатели

Вчера околу 17 часот З.М. (55) од гостиварското село Чајле, пријавил компјутерска измама од засега ...