СЈО достави разговор меѓу Јанкулоска и Мијалков како доказ за „Сопот“

Специјалното јавно обвинителство на денешното рочиште за „Сопот“ предложи снимка од телефонски разговор меѓу поранешната министерка за внатрешни работи, Гордана Јанкулоска и поранешниот директор на УБК Сашо Мијалков, за која вели дека е поврзана со случајот.

СЈО бара снимениот разговор да се користи како доказ во постапката, зашто може да придонесе да се утврдат фактите за случајот „Сопот“.

Одбраната на обвинетите, пак, најави дека ќе побара како сведоци во постапката да бидат повикани Јанкулоска и Мијалков бидејќи смета оти нивните искази се клучни за утврдување на вистината. СЈО бара како сведоци пред судот да бидат повикани и шестмина вработени во УБК.

Шест од десеттемината обвинети, на денешното рочиште се изјаснија дека остануваат на претходно дадените изјави пред судот. Четворица обвинети се недостапни. Судењето ќе продолжи на 23 ноември до кога одбраната треба да ги разгледа новите докази, а судот да реши дали ќе ги прифати. Случајот „Сопот“ е од 2003 години, кога двајца полски војници и еден македонски државјанин загинаа, откако теренско возило на НАТО нагази на мина. Во овој случај десет лица се осудени за тероризам. Тие се товарат дека подметнале експлозивна направа на локалниот пат Сушево – Сопот.

Основното јавно обвинителство за гонење на организиран криминал и корупција во јули годинава му го предаде предметот „Сопот“ на СЈО, откако во јавноста беа објавени разговори на владини функционери поврзани со овој случај.

Би те интересирало и

В петок пресуда за Лазаров за „шамарите во Центар“: Груевски не го коментира признанието на вина од неговиот сопартиец

  Преседан се случи на денешното судско рочиште за насилството во општина Центар, кога четвртообвинетиот ...

Владата подготвена да ги избрише глобите за медиумите и да го зголеми буџетот за МРТ

Целта на Владата е да создаде простор и механизми со кои медиумите ќе можат да ...