СЈО и Советот на јавни обвинители одржаа работна средба за случајот „Пуч“

Советот на јавните обвинители на Република Македонија и Јавното обвинителство за гонење на кривични дела поврзани и кои произлегуваат од содржината на незаконското следење на комуникациите – Скопје денеска одржаа работна средба во врска со случајот „Пуч“.

Советот на јавните обвинители соопшти дека на средбата се дискутирало по писменото барање на Советот за предавање на увид на списите по предметот, познат во јавноста како „Пуч”. Истражителите од СЈО и членовите на Советот одлучиле ваквите средби да продолжат по потреба и во иднина.

Откако заврши средбата, специјалната јавна обвинителка Катица Јанева изјави дека станува збор за работна средба на која, меѓудругото, станало збор и за проблемите со кои се соочува ова обвинителство.

Јанева минатата недела имаше средба со претседателот на Советот на јавни обвинители, Петар Аневски во врска со преземањето на списите и документацијата од предметот „Пуч“ од страна на Советот. По тогашната средба Аневски рече дека пет обвинители од СЈО ќе се сретнат со членовите на Советот на јавни обвинители и ќе ги образложат причините за откажувањето на СЈО од случајот „Пуч“.

Специјалното јавно обвинителство (СЈО) минатиот месец се откажа од обвинителниот акт за „Пуч“, од причина што фактичката состојба прикажана во обвинителниот акт била во спротивност со доказите со кои ова Јавно обвинителство располага и со наодите во истражните постапки „Таргет“ и „Тврдина“. Во „Пуч“, покрај лидерот на СДСМ Зоран Заев, обвинети беа и поранешниот разузнавач Зоран Верушевски, неговата сопруга Соња, општинскиот службеник од Струмица, Бранко Палифров и Ѓорги Лазаревски, вработен во МВР. Тие беа осомничени за шпионажа и за насилство спрема претставници на највисоките државни органи.

Додади коментар

Би те интересирало и

ДОМ: Министерствата направиле законски прекршување при издавање на дозволите за отворање рудници

Најмалку четири министерства направиле законски прекршувања во процесот на издавање на концесиите за отворање рудници ...

На Македонија и’ треба еколошки Прибе се согласија заменик министерот за животна средина, Јани Макрадули и екологистите

На Македонија и’ треба еден еколошки Прибе, еден момент за еколошка правда. Министерството и владата ...

Close