Тешка кражба во куќа во Битола

Непознат сторител синоќа од куќа во Битола украл разновиден накит и пари, стекнувајќи се со противправна имотна корист од 500.000 денари – соопшти МВР.

Синоќа во периодот од 11.30 до 00.15 часот во Битола на улица „Питу Гули“  во станот на В.Ј. (1960),  непознат сторител извршил кражба, при што одзел  225.000 денари, 1,300 евра, 800 американски долари, 450 швајцарски франци и разновиден златен и сребрен накит. Сторителот ја отклучил влезната врата, влегол во станот, извршил пребарување во спалната соба и одзел метален сеф, во кој биле парите и накитот, по што го напуштил местото.

Увид на лице место извршила екипа од Секторот за внатрешни работи -Битола и се преземаат мерки за пронаоѓање на сторителот.

Би те интересирало и

Еден загинат во сообраќајна несреќа со автобус што патувал кон Македонија

Автобус што патувал од Германија кон Македонија вчеравечер удрил во автомобил во Шлиербах, Австрија. Како ...

Гевгеличанец претепан до смрт по расправија за мобилен телефон

Две лица се уапсени за убиството на 41-годишниот гевгеличанец кој вчера беше пронајден мртов. Според ...