Тимоние: Вратите на НАТО се отворени, Франција сака соработката со Македонија да се унапреди

Унапредувањето на одбранбената соработката меѓу Македонија и Франција е од големо значење за заедничкиот придонес кон мирот, стабилноста и безбедноста на Балканот и пошироко.

Ова беше истакнато на денешната средба помеѓу министерката за одбрана, Радмила Шекеринска, и ополномоштениот амбасадор на Република Франција, Кристијан Тимоние, во Министерството за одбрана.

-Реформите што ќе ги спроведеме во областа на одбраната се важен влог за побрзо интегрирање на земјата во НАТО, но и во ЕУ. Ќе работиме да создадеме амбиент на доверба и подобра регионална соработка. Резултатите кои ќе ги постигнеме ќе ја зацврстат поддршката на земјите членки за влез на Македонија во НАТО. Со членството на Република Македонија во НАТО ќе се зацврсти стабилноста и безбедноста на целиот Регион – рече Шекеринска.

На средбата стана збор и за можноста за унапредување на соработката меѓу Македонија и Франција во однос на модернизацијата на АРМ.

Амбасадорот Тимоние на средбата истакна дека вратите на НАТО се отворени и дека неговата земја е заинтересирана соработката со Македонија да се унапреди.

На денешната средба присуствуваше и новото одбранбено аташе на Република Франција во Република Македонија, Жан Марк Лавали.

Извор: Макфакс

Би те интересирало и

Оптимистички најави од новата локална власт во Неготино дека проблемот со недостиг на вода ќе отиде во заборав

Ќе се реши ли конечно проблемот со недостигот на водата за пиење во Неготино – ...

Граѓаните на Штип и надлежните в петок ќе расправаат за квалитетот на водата за пиење

Водоснабдување, квалитет на водата за пиење, одвод и канализација – ова се темите за кои ...