Уапсено уште едно лице за нападот во Лондон, бил подготвуван посмртоносен напад

Британската полиција уапси во источниот дел на Лондон уште едно осомничено лице во рамки на истрагата за терористичкиот напад во центарот на британскиот главен град на 3 јуни – соопшти Скотланд Јард.

Дваесет и седумгодишен маж е уапсен во неговиот дом во Илфорд. Моментно во притвор се наоѓаат уште пет лица, а други 12 се ослободени без да биде покренато обвинение против нив.

Нападот на Лондонскиот мост можел да биде многу посмртоносен, открива полицијата, која денеска соопшти детали од истрагата.

„Напаѓачите планирале да употребат поголем камион во нападот, кој би прегазил повеќе луѓе“, истакна Дин Хејдн, шеф на антитерористичкиот оддел на лондонската полиција.

Еден од извршителите, Хурам Бут, првично се обидел да најми 7,5-тонски камион, сличен на оној што беше употребен при нападот во Ница минатата година, при што загинаа 86 луѓе, а стотици беа повредени. Откако исплатата на возилото била отфрлена, Бут и неговите двајца соучесници обезбедиле помал минобус.

Би те интересирало и

Експлозијата во Њујорк обид за терористички напад, нема повредени освен бомбашот

Експлозија одекна утрово во Њујорк, на една од главните сообраќајници во централниот дел на Менхетн. ...

Пожарот во Калифорнија голем колку Њујорк

Површината зафатена од голем пожар во Калифорнија сега е поголема од градот Њујорк, наведе Би-би-си. ...