Украдени пари и накит од 20 000 евра од стан во Гостивар

Од стан на булеварот „Гоце Делчев“ во Гостивар украдени се пари, накит и два пиштола во вредност од околу 20 илјади евра.

Според портпаролот на тетовската полиција, Марјан Јосифоски, крадците го искористиле отсуството на семејството во текот на вчерашниот ден и во периодот од 7:30 до 16 часот влегле во станот и ја извршила кражбата.

Ограбениот 56-годишен Д.С. пријавил дека од спалната соба биле одземени два пиштоли со калибар 9 и 7,65 милиметри за кои имал дозвола, 50 илјади денари и повеќе парчиња златен накит. Вредноста на украденото се проценува на 1,3 милиони денари.

За една недела ова е втора тешка кражба во Гостивар. Претходно, од дом на гостиварец беше украден накит со вредност од близу 30 илјади евра.

Би те интересирало и

Самоубиствен напад во џамија во Нигерија

Најмалку 15 лица загинаа во самоубиствен напад извршен во џамија во североисточниот нигериски град Муби. ...

НДМ: Знае ли МВР дека со криење на запленетата дрога во дискотека им прави штета на младите

Народно движење за Македонија преку соопштение испратено до јавноста ги поздрави актуелните акциски контроли на ...