УХМР: Топлото време ризик за земјоделските култури

Земјоделците да ги наводнуваат посевите и да посветат посебно внимание на заштита од болести и штетници зашто топлото време е погодно за нивен развој – препорачуваат агрометеоролозите. Предупредуваат и дека земјоделските култури во моментов, поради високите температури, се изложени на температурен стрес и недостиг на вода во почвата.

– Топлото време негативно влијаеше на земјоделските култури, посебно на нивниот развој, а се очекува да влијае негативно и на квалитетот на нивните плодови. Во минатиот период имавме локална појава на врнежи на одредени места, а поголема количина врнежи се забележани само во северниот дел од Македонија, но и тие не ја задоволуваат потребата за вода на земјоделските култури – соопшти УХМР.

Во наредниот период се очекува топло и стабилно време, со високи дневни температури и ниска релативна влажност на воздухот, а на одредени места минималните температури ќе бидат над 20 степени.

– Ваквата временска состојба се очекува и натаму негативно да влијае врз земјоделските култури, со предизвикување температурен стрес и недостиг на вода во почвата. Затоа, приоритет на земјоделските производители треба да биде снабдување на земјоделските култури со потребното количество вода, велат агрометеоролозите.

Во наредниот период се очекува стабилно сончево и се потопло време. Нестабилност се очекува во недела и понеделник, во северозападниот дел од Македонија. Можна е локална појава на врнежи. Најтопло се очекува да биде кон средината на следната недела.

Додади коментар

Би те интересирало и

Центарот на Тетово раскопан половина година

Центарот на Тетово половина година се дави во прашина, поради запрените активности за реконструкција на ...

Од попладне врнежи во западните делови

Во попладневните часови облачноста ќе се зголемува, во западните делови ќе има локален дожд, кој ...

Close