Уште пет лица на разговор во полицијата за собраниските случувања

Уште пет лица се повикани на разговор во полициска станица за случувања во Собранието на 27. април. Станува збор за дваесет и осумгодишниот Д.М од Виница и уште три лица со иницијали И.П., З.З., и Н.П., на возраст од 39, 47 и 37 години – сите од Скопје.

Во домот на Ј.Л. (41) од Скопје прво е извршен претрес, а потоа и тој бил повикан на разговор.

Како што соопшти МВР, по извршените разговори Д.М., И.П.,, З.З.(47) и Н.П. се ослободени, а кај Ј.Л. (41) не се пронајдени предмети со кои е извршено кривично дело или кои потекнуваат од извршено кривично дело и по разговорот, и тој е ослободен. Во консултации со Јавен обвинител, против лицата ќе биде поднесен соодветен поднесок.

Секторот за внатрешни работи Скопје и натаму презема мерки и активности во врска со настаните од 27 април 2017 година во Собранието на Република Македонија и обезбедување на преостанатите кривично пријавени лица, како и на идентификација и документирање и на други лица учесници во настаните.

Би те интересирало и

Виница: Вооружени крадци ги затвориле вработените во тоалет и го ограбиле казиното

Двајца маскирани крадци вооружени со пиштоли изутринава околу 6.15 часот го ограбиле казиното на улицата ...

Користејќи туѓ Фејсбук профил зел 600 евра од негови пријатели

Вчера околу 17 часот З.М. (55) од гостиварското село Чајле, пријавил компјутерска измама од засега ...