Федерација на фармери: „Казандол“ ќе има негативни ефекти кон органското производство

Внимателно да се размисли за отворањето рудник во Казандол зашто подрачјето на Валандово, Богданци и Дојран има 13.681 хектар обработливo земјоделско земјиште – апелира Федерацијата на фармери (ФФРМ).

ФФРМ денеска соопшти дека ја поддржува иницијативата на Валандово и Дојран за организирање референдум по ова прашање. ­ Да се размисли добро при самото одлучување, бидејќи со отворањето на овој рудник ќе се направат негативни ефекти врз земјоделството, посебно врз органското производство и, доколку не се применат мерки за соодветна заштита, штетите ќе бидат големи посебно врз почвата, предупредува Федерацијата.

Воедно, оттаму бараат во иднина, кога ќе се прават истражувања и јавни дебати општините да ги консултираат и земјоделските здруженија за навремено да го дадат своето мислење. ФФРМ ја поддржува и иницајативата на Валандово и Дојран за организирање референдум на населението каде што ќе се изјаснат за тоа дали треба да се отвори рудникот за бакар Казандол.

Би те интересирало и

Бејли: Јас не го почнав случајот со ДИК

На денешното предавање за корупција пред студентите на Правниот факултет на Универзитетот „Гоце Делчев“  во ...

Штитеничка од Велес од неделата го напуштила Домот за стари лица во Прилеп

Од неделата попладне четириесет и деветгодишната Каролина Арсова од Велес, која од 2013-та година била ...