Хали Бери: Освојувањето на Оскарот не ми значи ништо

Во 2002 година актерката, Хали Бери освои Оскар за главна женска улога во филмот „Monster’s Ball“, при што на церемонијата на доделувањето на наградите се појави во легендарниот фустан на „Ели Саб“.

Кога се качи на сцената да го прими Оскарот, Хали одржа многу силен говор со јасна порака.

„Овој момент е многу поголем од мене самата. Овој момент е за сите жени без имиња, лица и со друга боја, кои добиле шанси, затоа што вечерва оваа врата им е отворена“, порача Бери.

Но, 15 години подоцна, убавата Хали, која и натаму е единствена афроамериканска актерка која има освоено Оскар за главна женска улога, својата тага поради овој факт ја сподели во едно интервју.

„Пред две доделувања седев таму и помислив, вау, тој момент не ми значеше ништо. Мислев дека ми значи многу, но не ми значеше ништо. Јас бев многу длабоко повредена и тажна со тој факт, но тоа ме поттикна да се вклучам на други начини, затоа што сакам да направам поголеми шанси за луѓето со темна боја на кожата“,  заклучи Хали.

Би те интересирало и

Ченинг Тејтум ја раскина соработката со Вајнстин

Ченинг Тејтум ги прекинува своите бизнис односи со продукциската компанија „Вајнстин Ко.“ и со Харви ...

Полицијата во британски Глостшир им го забранува уличниот фудбал на децата

Полицијата во британскиот округ Глостшир ги повика граѓаните да пријават доколку забележат деца како играат ...