Хамилтон победи на трката за Големата награда на Мексико

formula-1-hamilton

Возачот на Мерцедес и актуелен светски првак во формула 1, Луис Хамилтон забележа победа на трката одржана синоќа за Големата награда на Мексико и со тоа ја намали разликата во однос на лидерот во генералниот пласман Нико Розберг. Ова за Хамилтон беше 51.победа и сега Розберг има 19 бодови предност на две трки до крајот на шампионатот. По триумфот Хамилтон се изедначи на второто место на вечната листа по бројот на победи со Алан Прост.

Второто место во Мексико го освои Розберг, додека голема борба се водеше за третото место меѓу Себастијан Фетел од Ферари и Макс Верстапен, бидејќи имаше непочитување на правилата по трката и двајцата добија временски казни, па трет е Даниел Рикардо од Ред Бул, Верстапен е на четвртото место, а Фетел е петти.

Во генералниот пласман прв е Розберг со 349 поени, Хамилтон има 330, а трет е Рикардо со 242, Фетел има 187, Кими Раиконен 178 и Рикардо 177.

Кај конструкторите Мерцедес е прв со 679 поени, Ред Бул има 427, а Ферари 365.

Следната трка се вози во Бразил на 13 ноември.

Додади коментар

Би те интересирало и

Стотици Македонци настапија на ,,ТРЧАЈ, ИГРАЈ, АКТИВИРАЈ СЕ” (галерија)

„ТРЧАЈ, ИГРАЈ, АКТИВИРАЈ СЕ” беше мотото под кое вчера на кејот на реката Вардар, стотици ...

Пандев му го даде најубавиот подарок на Трајковски

Капитенот на нашиот национален тим и на вчерашниот меч направи гест кој што заслужува почит. ...

Close