Храната од која појадувале затруените вработените од Леар била соодветно дистрибуирана, чувана и служена

Храната од која појадувале вработените во фабриката Леар во Тетово во саботата на 7 јули била соодветно дистрибуирана, чувана и послужена, во оригиналното пакување и со адекватен рок на употреба. Ова го утврдила Агенцијата за храна и ветеринарство, откако пред два дена беа затруени 25 вработени од Леар, најверојатно од салама и паштета која ја појадувале.

Според Агенцијата,  мензата ги исполнува хигиенските услови поради што не е изречена мерка за нејзино привремено затворање.

Оттаму соопштија дека во соработка со Санитарната инспекција, зеле мостри за лабораториско испитување од храната која била послужена, од работните површини во мензата, како и од вработеното лице што ја послужувало храната, а на кое му било извршен и дополнителен здравствен преглед

Од Агенцијата велат дека дополнитено ќе ја информираат јавноста, која била точната причина за триењето на работниците. Апелираат во услови на висока температура и зголемен ризик од расипување на храната и појава на труења, граѓаните да внимаваат од каде купуваат храна.

Началникот на Брзата помош во Тетово, Гзим Нуиреидни вели дека често во неговата амбуланта во овој период од годината, му доаѓаат пациенти со симптоми на труење.

И мо месец март годинава  220 вработени од фабриката ЛЕАР беа затруени, откако вечерале макарани со сос и мелено месо. Бактеријата стафилокока беше причината за масовното труење на работниците.

Би те интересирало и

Најмногу дожд изминатите 24 часа наврна во Дојран

Најмногу дожд во изминатите 24 часа се наврнати во Дојран. УХМР регистрира 88 литри на ...

На граничниот премин Делчево во прекин е сообраќајот за товарни возила

Утрово на граничниот премин Делчево поради проблем со компјутерски систем на царината, во прекин е ...