Цената на пивото на Октоберфест без ограничувања

Градските власти во Минхен го отфрлија предлогот да се одреди максимална цена на пивото на фестивалот Октоберфест во овој град во јужна Германија.

Заменикот-градоначалник Јосеф Шмид, кој е задолжен за одржување на овогодишната манифестација, побара во наредните три години максималната цена на кригла пиво од еден литар да се ограничи на 10,7 евра, што беше највисока цена минатата година.

Агенцијата ДПА пренесува дека Шмид не обезбедил поддршка од мнозинството за оваа идеја на состанокот на градскиот совет. Шмид смета дека треба да се спречат производителите на пивото да ги наметнуваат на посетителите дополнителните трошоци за обезбедување на фестивалот.

Лидија Дитрих, членка на советот на Партијата на зелените, рекла дека е против ограничувањето на највисоката цена на пивото, бидејќи тоа би довело до поскапување на останатите видови на пијалаци и на храната.

Би те интересирало и

Ердоган до САД: Можеби имате многу оружје и авиони, но тоа не значи дека сте моќни и силни

Одлуката на американскиот претседател од 6 декември со која тој игнорирајќи го меѓународното право го ...

Агент на ФБИ сменет поради порака против Трамп

Агентот на ФБИ, Питер Стрзок кој учевствуваше во истрага за претседателската кампања на Доналд Трамп ...