Четворица загинаа во стампедо на стадион во Хондурас

Најмалку четири лица загинаа во стампедо на фудбалски натпревар во Хондурас. Трагичниот инцидент се случи на натпреварот меѓу Мотагуа и Хондурас Прогрси.

До трагедијата дошло бидејќи организаторот продал повеќе билети од капацитетот на стадионот, пренесе агенцијата Асошијетед прес, повикувајќи се на полициски извори.

Од клубот кој беше домаќин, Мотагуа, тврдат дека тие не продале преголем број билети туку проблемот бил во лажните билети. Клубот објави дека за проблемот со лажните билети била известена полицијата.

„Мешаницата настана бидејќи луѓето кои имаа фалсификувани билети порано, поради што луѓето кои имаа регуларни билети останаа без своите места и мораа да ги напуштаат трибините“.

Инцидентот се случил на влезот 11, на Националниот стадион во Хондурас, на почетокот на натпреварот.

И покрај инцидентот, натпреварот се одигра и заврши со победа на Мотагуа 3-0.

Извор: Макфакс

Би те интересирало и

Виница: Вооружени крадци ги затвориле вработените во тоалет и го ограбиле казиното

Двајца маскирани крадци вооружени со пиштоли изутринава околу 6.15 часот го ограбиле казиното на улицата ...

Користејќи туѓ Фејсбук профил зел 600 евра од негови пријатели

Вчера околу 17 часот З.М. (55) од гостиварското село Чајле, пријавил компјутерска измама од засега ...