Шампионот Фенербахче поразен на гостувањето во Тел Авив – Радио Мрежа Канал 77 – Магија во етерот

Шампионот Фенербахче поразен на гостувањето во Тел Авив

На четирите средби од 14.коло во кошаркарската Евролига, единствената победа на домашните тимови ја оствари Макаби. На дуелот во Тел Авив, кошаркарите на Макаби го совладаа актуелниот шампион Фенербахче со 82-73.

Ова беше петтиот пораз на бранителот на трофејот по кој падна на четвртото место на табелата, бидејќи атински Панатинаикос во Белград беше подобар од Црвена звезда со 69-63.

Победи на гостински терен остварија и Реал Мадрид кој со 81-66 го совлада Бамберг, како и Жалгирис кој беше подобар од Валенсија со 71-63.

Денеска ќе се играат преостанатите четири натпревари, а во нив се среќаваат: ЦСКА Москва – Химки, Анадолу Ефес – Олимпијакос, Басконија  – Барселона и Уникаха – Милано.

Би те интересирало и

Хјустон постигна 50 поени за една четвртина

Рекордни 50 поени за годинашниот плејоф и втор најдобар скор на сите времиња во НБА ...

Леброн: Треба повеќе да работиме

Најдобриот кошаркар на Кливленд, Леброн Џејмс, не беше многу задоволен по првата победа на неговиот ...