Штипјанка физички нападната додека го доела своето бебе

Осумнаесетгодишна девојка од Штип вчера во 23:20 часот во полициската станица Штип пријавила дека околу 22:30 часот, додека во својата куќа го доела своето бебе, неповикано влегле нејзините соседи А.Џ. и Е.Џ. од Штип.

МВР соопшти дека двете лица физички ја нападнале девојката удирајќи ја со неколу тупаници во пределот на телото, по што оштетената паднала на подот. Осомничените продолжиле да ја удираат со клоци и да и ја кинат облеката со намера да ја соблечат, а притоа ја допирале во пределот на градите и се заканувале дека ќе ја силуваат.

Тие ја изнеле девојката надвор од куќата во дворот, каде продолжиле со дејствието и намерата да извршат обљува врз неа, но биле спречени во намерата од соседи кои во моментот слушнале викање и барање помош, по што осомничените избегале од местото на настанот, а оштетената била однесена со Итната медицинска помош.

СВР-Штип презема мерки за пронаоѓање на сторителите и целосно расчистување на случајот.

Би те интересирало и

Кражба во Скопје: Отишол по бурек, останал без своето „Ауди“

Дваесет и шестгодишно момче од Кочани пријавило во полициска станица дека вчера претпладне непознато лице ...

Со закана со пиштол ограбен малолетен скопјанец

Четиринаесетгодишник од Скопје вчера во 17:45 часот пријавил дека непознато лице извршило разбојништво врз него. ...