Јанчев: Предизборна манипулација се владините верувања за подобрување на состојбата во Фени – Радио Мрежа Канал 77 – Магија во етерот

Јанчев: Предизборна манипулација се владините верувања за подобрување на состојбата во Фени

Власта вознемирена  и уплашена од поразот кој и’ претстои на локалните избори,  ги прави последните очајнички чекори. Кандидатот за градоначалник од СДСМ остварил средба со превозниците од Фени индустри и вицепремиерот за економски прашања давајќи им лажни ветувања за подобрување на и онака лошата состојба во компанијата – тврди на прес конференција кандидатот за градоначалник на Кавадарци од ВМРО-ДПМНЕ, Митко Јанчев.

„Напоменуваме дека превозниците се свесни за оваа предизборна манипулација и дека истите имаат организирани форми на здружување и застапување на сопствените интереси. А тоа се здружение на транспортери преку републичката стопанска комора. Ова е класичен пример  на  злоупотреба службената должност од страна на власта во изборни цели“, смета Јанчев.

На ваквите обвинувања СДСМ со одговор дека следните две недели Фени индустри ќе добие нови сопственици кои ќе ги исплатат сите долгови кон транспортерите и доверителите  и дека Владата, нема да дозволи стотици семејства да останат без работа.

-Тврдењето дека наводно ова е манипулација, е лага и за неколку недели тоа и јавно ќе се види. Реакцијата на Јанчев е најверојатно резултат на гневот и нервозата, од состојбата на терен пред изборите, кои тој и ДПМНЕ ќе ги загубат катастрофално – се вели во писмената реакција на кавадаречките социјалдемократи.

 

Билјана Тошевски

Би те интересирало и

Заев: македонските возачки дозволи ќе бидат признаени во Германија

Македонскиот премиер вели дека поради техничка пречка неделава не бил потпишан договорот за признавање на ...

Села и Гаши на средба во Тетово разговараа за окрупнување на Албанската опозиција

Иако поделени во фракции и крила, Албанските опозициони партии започнаа да соработуваат, чија крајна цел ...