Јапонија презема вонредни мерки против глобалниот кибер напад

По глобалната закана од хакерскиот напад со компјутерски вирус, во Јапонија денеска беше отворен нов Центар за собирање информации во рамки на Кризниот штаб при Кабинетот на јапонскиот премиер Шинѕо Абе.

„Ги преземаме сите неопходни мерки како одговор на кибер нападот“, изјави генералниот секретар на јапонската Влада, Јошихиде Суга.

Технолошкиот конгломерат „Хитачи”, пак, денеска соопшти дека хакерите нападнале дел од нивните компјутери – пренесе агенцијата ТАСС. Компанијата информира дека презема заштитни мерки, за да го запре ширењето на вирусот.

Јапонската Агенција за кибер безбедност ги предупреди корисниците да внимаваат на работата на интернет. Во меѓувреме властите ширум светот се обидуваат да ги откријат виновниците за големите кибер напади, што ја попречија работата на повеќе фабрики, болници, продавници и училишта.

Експерти за кибер безбедност наведоа дека вирусот зафатил над 200.000 корисници во повеќе од 150 земји. Се стравува дека ширењето на вирусот може да предизвика нови непријатности денеска, кога луѓето ќе се вратат од нивните работни места.

Експертите очекуваат и нови верзии на вирусот, додавајќи дека засега не е позната висината на штетите предизвикани од петочните напади.

Во меѓувреме, компанијата „Мајкрософт“ ја обвини американската Влада дека чува софтверски кодови кои можат да бидат користени од хакери.

Претседателот на „Мајкрософт“ Брад Смит го потврди заклучокот до кој веќе дојдоа многу истражувачи дека за последниот масоцен хакерски напад е користен инструмент создаден од американската Агенција за национална безбедност, што бил пуштен на интернет во април.

Смит исто така го покрена и прашањето за тоа како разузнавачките служби да постигнат баланс меѓу желбата да ги држат во тајност софтверските пропусти, да извршуваат шпионажа и да водат кибер војна и да ги споделуваат овие пропусти со технолошките компании со цел подобра безбедност на интернет.

 

Додади коментар

Би те интересирало и

Макрон ќе предложи реформи за ЕУ и јакнење на монетарната унија

Францускиот претседател, Емануел Макрон утре ќе ги промовира своите предлози за реформи на Европската унија ...

Референдум за независност на Ирачки Курдистан

Граѓаните на ирачки Курдистан денеска ќе се изјаснат на референдум за независност на регионот од ...

Close