Јункер ја критикува Турција за однесувањето по повод кризата со Грција – Радио Мрежа Канал 77 – Магија во етерот

Јункер ја критикува Турција за однесувањето по повод кризата со Грција

Претседателот на Европската комисија, Жан Клод Јункер го критикуваше однесувањето на Турција по повод кризата со Грција што ескалираше во изминатите денови, јави НТВ.

Неговите изјави следуваат по тензични ситуации поради инцидент во реонот на острови за кои спорат Грција и Турција.

Брод на турската крајбрежна стража удри во брод на грчката погранична стража во реонот на двата острова познати под грчко име Имија и со турско име Кардак. Во 1996 година двете држави беа на раб на војна поради тие острови.

Јункер изјави денеска дека е „цврсто против однесувањето на Турција“.

Претседателот на ЕС, Доналд Туск ја повика Турција да ја почитува територијалната целост на Кипар откако турски воени бродови попречија сондажен брод на италијански енергетски гигант ЕНИ кои вршат анализи во реонот Блок 3 на кипарската економска зона, наведе телевизијата.

Туск побара Анкара да избегнува закани и акции против која било членка на Европската унија.

 

Извор: МИА

Би те интересирало и

Дебата за прислушувањето: Заштита на приватноста и департизација на раководните структури

Предложените законски решенија за следење на комуникациите и за новата Оперативно техничка агенција мора да ...

МВР денес поднесе три кривични пријави со фиктивни фактури го оштетиле ЈП Комуналец за 2,6 милиони денари

Кривични пријави против лицата М.П.(51) и  45 годишниот И.А двајцата од Кавадарци и С.С.(46) од ...