Скопјанка била силувана во продавница во Тетово: За силувачот определена мерка притвор – Радио Мрежа Канал 77 – Магија во етерот

Скопјанка била силувана во продавница во Тетово: За силувачот определена мерка притвор

Во продавница во Тетово на улицата Илинденска на 32 годишна скопјанка извршени и’ се два полови напади. Инцидентот се случил на 9 месецов околу 22 часот и 30 минути.

Осомничен за нападот е 31 годишен тетовец. Силуваната која била со престојувалиште во Тетово во полиција пријавила дека влегла во продавницата и од пријавениот побарала запалка, а тој веднаш ја заклучил влезната врата и заканувајќи и се со нож и скалпел, кои ги држел во рацете, најпрво ја удрил по главата, ја соборил на подот, ја влечел за косата, физички ја малтретирал, по што и ја соблекол облеката и во два наврати извршил полови дејствија.

Осомничениот се обидел да и ја одземе и чантата, во која имала извесна сума пари и други предмети, а потоа ја отклучил вратата низ која таа набрзина излегла, повикала такси-возило и се упатила во Полициската станица Тетово.

Екипи на Секторот за внатрешни работи Тетово за кусо време го лишиле од слобода осомничениот за полов напад. Тој е задржан во Полициската станица Тетово и во координација со јавен обвинител, со соодветен поднесок изведен е пред судија на претходна постапка во Основиот суд Тетово, кој му определил мерка притвор од 30 дена.

Би те интересирало и

Маж тешко повреден во сообраќајка на локалниот пат село Грешница – Кичево

Четириесет и четиригодишен маж од селото Грешница се здобил со тешки телесни повреди во сообраќајна ...

Приведен крадецот кој ограби аптека во Маџари

Пронајден и приведен е разбојникот кој со закана со пиштол на почетокот на овој месец ...