58 позитивни и сомнителни случаи од вкупно 2315 прегледи биле регистрирани за неполна година со мамографот во Општа болница Кавадарци – Радио Мрежа Канал 77 – Магија во етерот

58 позитивни и сомнителни случаи од вкупно 2315 прегледи биле регистрирани за неполна година со мамографот во Општа болница Кавадарци

58 позитивни и сомнителни случаи од вкупно 2315 прегледи од септември лани кога беше ставен во функција биле регистрирани со мамографот во Општа болница Кавадарци.

Од вкупно 1366 прегледи кои биле направени од 20 септември минатата година кога мамографот во Кавадарци за прв пат бил ставен во функција а 948 од почетокот на оваа година, досега, биле регистрирани 58 позитивни и сомнителни случаи, информираше директорот Орце Ангеловски. Сите вакви случаи се препратени на дополнителни испитувања и лекување.

Апаратот кој чини околу 7,5 милиони денари е наменет за жителите од Кавадарци и поширокиот регион а со негово ставање во функција,  е овозможено на околу триесетина илјади жени од регионот, да можат да добијат ваква здравствена услуга. Ракот на дојка е најчест дијагностициран рак кај жените, а по смртноста овој вид карцином е на прво место во светот и во Македонија. Минатата година во земјава се откриени околу 1.200 нови случаи на рак на дојка. Според бројот на смртни случаи од рак, нашата држава е на трето место во Европа.

 

Билјана Тошевски

Би те интересирало и

Крушево ќе го одбележи роденденот на Тоше Проески

Сопригодна програма на 25 јануари Крушево ќе го одбележи роденденот на Тоше Проески, македонската и ...

ЗНМ бара Обвинителството повторно да ги разгледа пријавите за говор на омраза

Во Македонија постои политика на неказнивост на насилството на новинари – смета претседател на ЗНМ, ...