Гризман: Планот не беше да напаѓаме како лудаци

Антоан Гризман најдобриот играч на Атлетико Мадрид е среќен поради пласманот во четвртфиналето во Лигата на шампиони, но не е задоволен како тимот одиграл во реваншот против Баер Леверкузен.

Атлетико Мадрид и Баер Леверкузен одиграа без голови во осминафиналниот реванш, а „јорганџиите“ одат понатаму поради победата 4:2 во првиот меч кој се одигра во Германија.

„Имавме шанси за голови, но немавме среќа. Не ни беше во плановите да напаѓаме како лудаци. Го изборивме она што го сакавме и поради тоа сме среќни. Најважно е дека сме во четвртфиналето, веќе се насочивме кон наредниот меч“, рекол Гризман, кој во второто полувреме не реализира две добри шанси за постигнување на гол.

Свои прилики имаше и Баер, но на голот на Атлетико блескаше Облак. Можностите да постигнат гол Германците ги пропуштија во еден напад, кога во нецела минута Јан Облак четири пати брилијантно интервенираше.

„Тој е најдобриот голман во светот“, рекол Гризман.

Францускиот репрезентативец рекол дека нема посебна желба за противник во четвртфиналето.

„Неважно е кого ќе добиеме. Доколку сакаме да се пласираме во финалето мораме секого да победиме“.

Четвртфиналните двојки во Лигата на шампионите ќе бидат извлечени во петок.

Извор: Макфакс

Додади коментар

Би те интересирало и

(Видео) Гол за паметење на Реал: 44 додавања, 107 секунди и сите 11 играчи вклучени во иста акција!

Реал Мадрид на импресивен начин ја стартуваше новата сезона во Ла Лига, но она што ...

(Видео) Конечно воздишки на „Камп Ноу“: Семедо со страшен трик ја фрли публиката во делириум, искусниот Хоакин не знаеше каде е топката

Нелсон Семедо допрва ќе треба да покаже за каков калибар на фудбалер станува збор, но ...

Close